BAVARCI TRAZE TRENERA

Niko Kovac vise nije trener Bajerna iz Minhena.

Mediji su ranije danas javili da je Kovacu data jos jedna sansa koju mora opravdati pobjedama vec u prva dva meca, ali je hrvatski trener sam odlucio da podnese ostavku.

“Smatram da je ovo prava odluku za klub u ovom momentu. Rezultati i nacin na koji smo igrlai u posljednje vrijeme natjerali su me na ovu odluku”, kazao je Kovac.

Bavarski gigant je dan ranije dozivio istinski debakl u Frankfurtu, gdje je Ajntraht pobijedio sa cak 5:1. Istina, gosti su vec od devetog minuta igrali bez iskljucenog Boatenga.

Mediji bliski klubu sa “Alijanc arene” su objavili da su Kovac i Bajern sporazumno raskinuli ugovor, a brzo je stigla i potvrda.

“Igre nase ekipe u posljednjih nekoliko nedjelja i rezultati pokazuju da smo morali da reagujemo. Uli Henes, Hasan Salihamidizic i ja smo obavili ozbiljan razgovor sa Nikom i dogovorili smo se da on vise ne bude trener Bajerna. Svi zalimo zbog ovakvog razvoja dogadaja. U ime kluba zahvalan sam Niku na obavljenom poslu, posebno za duplu krunu prosle sezone”, rekao je izvrsni direktor Bajerna Karl Hajnc Rumenige.

Na tabeli Bundeslige Bajern je tek cetvrti, sa cetiri boda manje od vodece Borusije Menhengladbah ali su samo pet pobjeda iz deset meceva, te losi odnosi u ekipi bili vise nego dovoljni da se hrvatski strucnjak napusti klupu, i pored impresivnih rezultata u Ligi sampiona, poput lekcije od 7:2 protiv Totenhema prije samo mjesec i dva dana.

Bivsi hrvatski selektor Kovac imao je ugovor s Bajernom do sredine 2021. godine.

Bajern sada ocekuju mecevi protiv Olimpijakosa u Ligi sampionaa i Borusije Dortmund u Bundesligi. Tim ce voditi Hansi Flik.

Mediji spekulisu da su kandidati za novog trenera Zoze Murinjo, Masimilijano Alegri i Maurisio Poketino.

Murinjo je nedavno priznao da uci njemacki jezik.